獅山精神行獅山

是咁的，首先祝我老玳生日快樂先。今日係佢牛一，問佢想點玩法，佢話不如行山黎賀賀佢。咁我地香港人都會講咩懷緬獅子山精神，連歌仔都有羅記既獅子山下咁啦；咁好啦，今日一於就去獅子山上！
中午係太子食完晏晝就搭車到達入口九龍水塘、獅子山郊野公園喇。淨係入口處已經見到唔少猴子徘徊。其實真係要提醒大家一下，呢度的猴子不單不怕人，有些看上去還有點嚇人。所以最好有幾個人先好黎，而且我覺得隨身帶備行山杖也是不錯選擇，起碼令到那些猴子減低接近機會。
我們之後輕輕鬆鬆平平坦坦的行到大圍那邊，然後就看到分岔口，當然是選擇往上走往獅子山的路啦。路雖然是往上，但也相對容易，不一會兒就到達了回歸亭，在這處除了可看到周圍漂亮景色，原來這裡也是不同支口的滙合點，當然你也可說這是離開的分岔點。
休息過後我們就準備登頂，而之後這一段路雖然只有短短500米，但卻是全日最辛苦的，因為基本上是直上的梯級山路；一氣呵成的往上爬，終於到達谿然開朗的山頂。不過今日真的很大霧，要不，風景肯定會更加漂亮呢！在山頂俯瞰九龍半島的景色，身心舒暢，一時之間什麼不快與壓力都統統忘卻！
行多兩步，就見到那個登頂、寫有山名和高度的牌子，當然要和它來個合照以作留念啦，哈。
之後就下山了，但同時也體驗到上山容易落山難的體會喇。雖然唔係真係什麼困難，但真係相對較累和對膝蓋消耗也較大，一路往下走，我的小腿邊行邊發抖，可能是平時不太體力運動但卻連續昨天騎完單車今天又行山太過勞累的關係吧；當行到山腳到達慈雲山時，基本上我已經腿軟軟不再感覺到自己的腿在存在了... 但難得能和好友邊行邊吹水邊登山邊慶生，真係非常享受又難忘的生日之旅呢！
之後落埋九龍城食晚飯補返今日消弭左既體力，真係爽呀！
再一次生日快樂，陳車！

入口...

周圍都係猴子..

望上去就係一陣要登頂既獅山啦！