爬著山坡上太平

路線: 地利根德里-> 張保仔古道-> 太平北坡-> 太平山鷹咀石-> 盧吉道-> 山頂廣場-> 旺角山系店陣 -> 明記打冷

登山之友: 超級嘻嘻、細表妹、YY

是咁的，因為上次順利征服了 彎曲石河上尋覓仙人 https://yy08.pixnet.net/blog/post/106492033 之後信心增加了，因此係選擇路線上可以有更廣闊的空間了；適逢表妹要清假而可以閒日出發，咁我地就話擇日不如撞日，一於揀天氣好的那天就出發。我地今次計劃的路線有兩條，一條係青山腹地、另一條則是太平北坡，而其實本身我地係傾向去青山的，可是當我地上網檢查青山靶場射擊練習時間表時就發現它六月份的只有週末時候是休息而停止「打靶」。換言之我地今次不能選擇遊走青山的奇石了，咁就一於行條短一點但較刺激的太平北坡吧，行程時間短一點，玩完之後就可以去逛山系商店，因為表妹的朋友打算購買山鞋，而六月生日的超級正好可以在六月份享有一次性的七折優惠，所以今天可以讓表妹去試鞋，然後再等她和她朋友決定好時我們到時再幫她們購買或一同前往。

既然選擇好路線，咁就一於咁話啦，約好中午在金鐘地鐵站集合，食個快餐再買多粒華御結飯團我地就打的前往今日既起點地利根德里了。落左車行幾步路我地先去到張保仔古道入口位的涼亭上裝，然後就正式開始我地今日既行程了。我地沿住張保仔古道前進，一開始都是簡單小徑路段，行行下仲見到有唔知漁護署定唔知咩署既外判員工係度清理打掃路徑，我地仲笑笑口話都唔知掃黎做乜，份工真係永遠都唔會做得完，呢頭掃完轉頭佢地收工無耐就又會成地都係落葉，真係無限循環嘅筍工啦。當然其實都唔係筍啦，大熱天時雖然有樹蔭遮陰，但係夏天在大自己工作不就是與蚊子和虫子為伴嗎？

經過了這些工人們在走了一會，我地就見到有分岔路了，那我們當然就是轉向離開古道而向山坡邊進發。走多幾步我地就看見了一塊大石坡在眼前了，不過呢塊坡確實對我地黎講係非常有難度，即使今天特地穿了攀山鞋而來的超級也說眼前這塊石坡不適合我們的程度。咁當然呢塊石坡唔係唯一的「路」，在石坡旁邊其實還在一些石塊路段可以往上走，於是我們就慢慢的爬著向上走，上了這一層之後，我地亦都看見另外的石坡了。其實如果不走這塊也是沒問題，因為我地其實可以一直橫移，在山徑的另一端其實也有另一條路比較容易是有繩的，而亦是我們上網看見山友們二登北坡的那條路。咁既然我地今日只來一登，我們一於就選擇沒有繩子的路線吧。畢竟雖然眼前這塊山坡是沒有繩子給我們輔助，但看起上來其實亦不算太過困難。啊，唔知那來的勇氣喎，我就話不如我先上啦，就係咁樣我就率先往上爬了。往上爬倒是唔太困難，慢慢的小心一手一腳的爬就可以了，但係上到其中一個位要橫移的時候，可能因為這裡是外露的山坡吧，那種心理的壓迫感是比平常在密林中入面又或者山徑中的那些要攀爬的位置要大同埋沉重得多；而可能就係咁樣怯一怯，我霎時就沒有了那種自在的信心感了，於是就對一些下腳點和轉手位有所猶疑，亦即代表我突然間在這裡「卡關」了。咁當然情況又唔太麻煩，我只係同下面的他們兩個講我好似卡左關、需要多一點時間咁，而本身在幫我拍片的表妹於是就將鏡頭一轉，轉而同超級一樣，在為周圍的風景打卡，真係將我一個人置在上面不理，認真殘忍、冷漠，哈哈哈。終於，在我深呼吸及暫停亂想並冷靜下來之後，信心感頓時提升了一點，亦找到了適合我的手位和腳位了。就係咁樣我就橫移成功，然後我找到了一個較寬廣及安全的站腳位之後就叫阿表妹可以開始攀爬上來了。一如既往，阿表妹果然係攀石架嘛，雖然佢比我短小，但係佢上攀既速度比我快得了，而在橫移的時候她也沒有太多的猶豫，然後我告訴她最後那個落腳位的那塊大石是會郁動的；除了提醒她要注意和小心，我當然就係伸出了援手，就係比我隻手佢作借力之用，咁樣就唔駛全身的力都落到了那塊會動的石塊上而又可以安全橫移到我這邊的站腳位了。我地兩個上完就梗係到超級啦，佢都好輕鬆就上左黎，不過我地都係循例要提醒佢要小心一點落地位果舊石。

上完呢塊石坡之後我地又再繼續沿住坡邊小路往上走，緊接著就來到了今天要攀爬的最後一塊石坡了。呢塊石坡比較多唔同手、腳位可供選擇，即係我地可以按各自喜好、自由選擇咁樣往上攀爬。最意志薄弱的我就揀了右手邊較為容易的「路線」，而超級就從左邊而上，阿表妹就在中間上，其實佢由果度上其實都同我果度差唔多難度，但係我考慮到上完石之後佢果面要在橫移過去我果面又或者過去超級那邊走幾下草叢，所以我就選擇左我的路；而佢就在中間的路線而上、並中途加插挑戰難度，揀了爬一塊本身可以在旁邊輕易而過的小石坡；當然佢亦都算係輕鬆就已經搞掂了。爬完這塊石坡之後其實今日要攀爬的石坡已經玩完了，接下來的路就會是在樹林裡面玩了。

不過在進入樹林入面繼續行程之前我地側先橫移到一個打卡位影下相、休息下。小休過後我地就入林了，轉個彎就黎到今日另一個打卡景點太平北鷹咀石了。打完卡之後我地其實係有兩條路線選擇，由於其中一條是一般留待二登時行的路線，所以我地就揀左同視頻主隊長介紹的路線，在鷹咀石的左面繼續往上走。行多幾個彎，估唔到原來呢面仲可以玩多一個位係有得攀爬一番，不過就頗為輕鬆，我地三個都爽快就已經搞掂了它。之後就真係一直都係全面在樹林裡面向上行走了，不過我地就揀左一條相對少人走過的路徑，所以都算係半爆林。行下行下我地見到一個分岔口，超級就話想去另一面睇下環境，而我同表妹就按住絲帶指示行走。其實本身都有點想等埋佢，但係樹林入面只要我地一停低就立即撲了幾隻蚊子埋來！喺蚊子嘅驅動之下，我同表妹唯有加速推進，行左一陣，終於見到石屎建築物嘅支撐位。無錯，我地已經黎到了盧吉道環山徑的下方了。呢個時候阿超級都差唔多追返進度過緊來，咁我地見到佢「重回正軌」我地就率先爬返去上、跨過欄杆，踏上了盧吉道了。這裡是可以飽覽維多利亞港兩岸景色的注名景點，我就不多作介紹了。而重回正常路徑的我們，則沿住盧吉道走到了山頂廣場，完結了我地今日嘅既短程但又好玩剌激、亦帶點小挑戰的行程了。

換過衫後我地就坐車落山，然後過海去旺角睇鞋，並順道去讓表妹去試一下超級著緊果對「一著左就返唔到轉頭」嘅山鞋。試完鞋之後我地就去了明記打冷，又再一次飲飽食醉之後我地就完結了今日嘅行山之旅了。其實今日我地嘅路線只有短短兩公里，但係就短得黎又幾好玩，而且又有好多時間都係在樹蔭位下遊走，真係幾適合夏天呢個時候玩呢。希望我地好快又可以出發下一趟行程啦！

太平北左左 - 出發