驚險一星覓棧道

路線: 寶馬山巴士總站> 紅香爐峰> 金督馳馬徑> 小馬山石礦場> 渣甸北引水道> 懸空棧道> 渣甸南引水道> 黃泥涌機槍堡> 渣甸山配水庫> 大潭郊遊徑> 跑馬地> 嘻嘻飯堂
登山之友: 超級嘻嘻、YY

是咁的，呢個行山之旅真係我都唔知點樣去形容佢好喇。總之每次同超級嘻嘻出動，都總係會有些意想不到嘅「驚喜」發生。咁呢個一陣先講啦。咁講返點解會有今次呢次郊遊呢? 事源就係我上網係度睇下一些港島區有咩簡簡單單既郊遊路線適合我一個人自己去行咁啦。機緣巧合之下又比我見到條風景幾靚、特別得黎、我未行過而又難度唔大及路程唔太長既路線，就係今日我選擇左既渣甸山秘景之懸空棧道喇。咁岩知道超級嘻嘻又放緊幾日假，咪於是叫埋佢一齊「開心大發現」行下呢條市區之中既隱世小徑啦。由於根據「山城縱走」網頁內的「你沒看過的香港:渣甸山」文中所提及呢條路線難度只有一星，我於出發前甚至考慮唔著跑山鞋而打算只穿著跑鞋就算了。不過問過超級之後知道除左引水路段之外紅香爐峰、金督馳馬徑等一般都是小徑路，最後我還是打消了著一般運動鞋的念頭了。

相約左超級係巴士總站集合，然後我地就向我地既第一個景點進發啦，很快的走進小分岔路口我們再走多幾分鐘就已經上到紅香爐峰的大石堆了，拍過幾張照片後我們就再走多幾步登頂上座標柱。從這裡可以360度俯瞰住山下港島及維港景色，好不優美，不過唯一有少少、真的只有少少的美中不足就係今日個天係好藍，但係望返落維港時就會見到一大片霧霾。相信如果天色再好點空氣污染指數再低一點時上黎，從這裡看下去真的會是不得了呢。

沿回頭路離開山頂重回馳馬徑，一路都非常舒服。在寶馬山巴士站下車的時候還感覺到有點陰涼而且風大，但走到這裡時竟然有陽光射穿樹林透進小徑，真的是神的恩賜。步速唔慢既我地好快就已經離開左馳馬徑黎到小馬山石礦場了。有石礦場就有爆炸品，係呢度會見到警隊既爆炸品基地，而且仲係好似重度監獄咁樣有圍牆及尖刺等圍著，周圍仲有不少的監控電視，我同超級開玩笑講如果我地係呢度再徘徊得耐少少，應該就會比人盤問同檢查了。所以我地不但無減速，反而是加快再腳步走過呢個「危險之地」。不過一路行住行住，路段都算是非常容易行走既路面，由於自從驚險選擇爬玉桂 https://yy08.pixnet.net/blog/post/106358173開始，然後到神靈指路上萬丈 https://yy08.pixnet.net/blog/post/106403944，我都同超級有過意想不到的和唔同程度既「驚險」之旅，所以行左咁耐條路都仲係咁平坦舒適，我就同超級講，今次真係如你出發之前所講，應該唔會再有驚險之旅了，話哂都係一星難度既路段丫。哈哈，呢個世界真係好有趣架，我話你地知...

經過左石礦場之後我地就要同大路講再見，走進分岔的石級往上走了，我地都仲開玩笑講話一星就只係那些石屎大路，其實頭先紅香爐峰同埋而家呢度既小徑路段都已經起碼二星啦，起碼著拖鞋行唔到先啦，絕對唔適合那些著熱褲、穿拖鞋既港女所行了。點都好啦，從分岔路拾級而上，好快到見到我地今日既目標路段 - 引水道了。講返先，其實所謂既懸空棧道就係渣甸山南北兩段引水道中的懸空水道，而我地岩岩從樓梯級出來的就是渣甸山北引水道在山中的尾段部份；我們沿住引水道走著走著，很快的就已經從山裡面走了出來，意思就係在沿住陡直的山坡而建的引水道的欄杆之外就是什麼都沒有的懸空部份！咁我地係度當然都要做下「打卡」既動作啦。不過就明白到其實個網頁影既相肯定係要用航拍機先可以拍攝到出來，因為角度係無可能做到如佢網誌內的相片那樣的。係度影相都真係要保持警覺、時刻注意安全喲，因為跌左落去下面就真係之之了啦。好吧，我地拍了幾張之後又再去另一個懸空位置拍照，這個點比之前更突出一點；當然，如果你一直都只是循規蹈矩咁走在引水道上是沒有問題的，但是如果你有嘗試過在欄杆上影上的話咁就真係要打醒十二分精神了。始終都係果句啦，「條路自己揀，仆街唔好喊」。

匆匆影多兩張相諗住再往前的棧道走前拍照，發覺這時已經到達了一塊大石，而且仲有一條繩比郊遊人士用作遊繩之用呢。睇到呢度，我倆都不其然咁話：「連爬繩都出埋，那有一星你老味」並心想唔會又再係一次「驚險」之旅啦吧? 爬左上石，呢度又真係一個打卡好位置。但我地亦同時諗住點樣可以去到下一段懸空棧道。爬上了石是意味住什麼? 即係我地開始就靠返山邊，即係呢個時候暫時唔會再有懸空路段啦，但我地呢個時候要做既就只係沿住小徑而走；可是路雖然偶有絲帶掛在草上，但卻是愈行愈不像要走的路。這個時候我地都已經唔想諗難度係咪一星呢個問題了，我地諗既只係我地究竟有無行錯路呢? 如果行錯我地又究竟係點樣錯呢? 點樣錯過左應有既分岔路呢? 即時拎手機出來谷哥地圖，又發現我地真係離開左目標引水道有一小截位置；既然前路又唔似路，手機谷歌地圖又顯示我地「偏離航線」，經一番商議之下，我地決定回頭走走再找找路，若然真的找不著路就唯有原路折返到石礦場大路離開，畢竟呢個時候都已經下午五時，距離太陽下山也不會有太多時間了，無謂逞強吖，唔得咪下次再由另一邊的終於當起點咁行就會找到棧道了吧。決定左之後就往回走，睇住衛星定位黎到大石塊時我們卻又重回原定路線之上了，可是，這裡除了回頭的路之外，並沒有路前進啊！我和超級四處張望，都望不到有路，但如果按衛星地圖來看，卻是有路可以連接住整條引水道的，怎麼辦呢? 開開網頁來說，根本就幫不了手，這時我們往網誌的末端滑下去看時，才見到留言的部份有人寫著「難度一星，根本就是誤導人，這裡是要爬岩石，90度的」，睇到呢度，我同超級都只有對望並苦笑無言，心諗這次中伏了。不過呢個時候唔係諗呢個問題了，而係真係諗下係邊個位可以搵到那個「爬岩石」然後離開的位置。但在大石上我倆真的是看不到路了；就當我們決定往回走之前時，我跟超級說，就讓我再在這大石旁的樹位找找看吧。我跨過了大石，旁邊卻是什麼路都沒有；就在要放棄的時候，我又試下往石頭下邊找小路，於是我扶著小樹幹走到石底時，卻豁然發現那邊好像有路！於是我叫還在大石另一肯的超級再等我一等，我在往前探索一下。看多一看，簡直就是柳暗花明又一村！他奶奶奶的，這才是真正隱世的秘道啊！我於是大喊超級叫他下來，而我地一邊行一邊看著衛星定位也就是沿著原定路線，沒有半點偏離！我們都邊走著邊大叫「這真是他媽的一星難度小徑呀！而且網頁的人都沒有寫他們是怎樣到達終點，只有寫著在懸空棧道之後就已經是到達終點了，彷彿每個人都覺得悟空的瞬間轉移呢！怎麼我倆每次郊遊都要這麼的『驚險』呢?」「對呀，要爬繩，要爆林，要爬石；那裡是一星難度可言? 根本就起碼要有三星程度了吧? 」這個仆街不負責任的網頁，並不是那些專門比爬澗爆林的人看的，而是那些類似「新假期」的網站。雖然我地都知道佢地既內容係不能盡信、往往都以偏概全，但我估唔到今次呢個網站係去到咁不負責任既地步，仲寫埋哂咩野好容易行，難度一星的廢話！講真，我地穿過左條隱世小徑之後真係終於重回大路，並見到果個「渣甸南引水道」的路口，但係隔離仲有一個牌寫住此路不通的。咁樣點會係正常路段?！其實平心而論，整條路線難度是有一點，但都唔係真係好難，但係個網頁卻第一唔提供完整路線的指示，卻又寫著難度一星並推介比一般人看，這真是令人嘔心。如果佢一開始唔係寫住一星難度，我地就可能用另外一個心態同準備去行呢條路線，而家根本就係比佢殺個措手不及！還好基本準備還是有的，如果唔係今次可能就真係要在懸空路段原路折返、而黎唔到呢面，並去到終點了。講起懸空路段又係一個嬲字，文中講到話懸空部份有成一公里，但係原來卻是去到那大石就完結了，根本最多就只有幾百米可言！總之，對住呢班為左厄讚既人士同厄閱覽人數既仆街，我倆真係極度鄙視。有無後續行動就唔知啦，但係而家都係講返個行山之旅吧。離開左引水道路段再走一小段路之後其實我地真係已經返回正常黃泥涌峽郊遊徑了。在這裡我們見到了那個廢棄的機槍堡，然後很快的又來到了一片景色優美以及極為開揚的草地，原來就是配水庫呢。再往下走，其實已經接回大潭郊遊徑了。由於這時，知道我倆嘻嘻郊遊的另一嘻嘻車仔發短訊給我們說今日早收工並可以一同吃晚飯，於是我同超級就選擇左最快離開的路線，在大潭郊遊徑直接離開而不是先前打算走到去的黃泥涌水塘了。

離開左郊遊徑之後我地往下走就到達跑馬地了，這其實和我們出發時的設定一樣，就是在跑馬地離開呢。在跑馬地下山的途中，我倆都說笑著說，今次我的網誌寫的路線從石礦場那段開始就會是北引水道、懸空棧道、跑馬地了，反正那個裝頁的人都是咁樣寫啦。哈哈，當然這都是講笑啦。我先唔會咁唔負責任，而且我呢個網頁亦唔係要好似佢地咁樣所謂厄流覽人數同埋要推廣什麼行山活動的。如果我要寫，就一定會做個有品的寫犒人。不過，我寫呢個網誌既主要目的就係想記錄同埋分享每次同朋友出去玩時既歡樂點滴，嘻嘻哈哈。而我同超級亦都邊行邊笑著咁，就去到我地既飯堂中記了。總之，最後我地就一齊嘻嘻嘻嘻嘻嘻咁食開年飯啦。嘻嘻嘻！

起點寶馬山巴士總站旁的聖貞德中學